Үтрээний үрэвсэл гэж юу вэ?
Үтрээний үрэвсэл нь нь эмэгтэйчүүдийн бэлэг эрхтэнд хамгийн түгээмэл тохиолддог асуудлуудын нэг юм. Энэ нь үтрээний доторх болон гаднах салст бүрхүүлд үрэвсэл үүсэх, бактерын халдвар, мөөгөнцөр болон бусад төрлийн халдваруудаас үүдэлтэй байдаг. Үтрээний үрэвсэл нь зөвхөн биеийн төдийгүй сэтгэл зүйн хувьд ч эмэгтэйчүүдийн өдөр тутмын амьдралд нөлөөлж, санаа зовоох асуудал болдог.
Үтрээний үрэвсэл үүсэх шалтгаанууд
Үтрээний үрэвсэл нь олон төрлийн шалтгаанаар үүсч болно. Эдгээр шалтгаан нь голчлон бактер, мөөгөнцөр, вирусын халдвар болон бусад биологийн хүчин зүйлсээс үүдэлтэй байдаг.
- Бактерын халдвар
Үтрээний үрэвсэл нь хамгийн түгээмэл тохиолддог бактериудын нэг болох Гарднерелла вагиналис гэсэн бактериар үүсгэгддэг. Бактер нь үтрээний хэвийн бичил биетний тэнцвэрийг алдагдуулан үрэвсэл үүсгэдэг. - Мөөгөнцрийн халдвар
Мөөгөнцөр нь үтрээний халдвартай холбоотой хамгийн түгээмэл шалтгаан болдог. Кандида албиканс нь үтрээний үрэвслийн шалтгаан болж, үтрээнд хуурайшилт, загатналт, өвдөлт үүсгэдэг. Мөөгөнцөр нь ихэвчлэн хэт халуун, чийглэг орчинд үрждэг тул үтрээний орчинд амархан өсөж үрждэг ба ихэссэн үедээ өтгөн цагаан ялгадас гарах зовиураар илэрдэг. Зарим тохиолдолд зовиур багатай байж болдог. - Вирусын халдвар
Олон төрлийн вирус үтрээнд болон нөхөн үржихүйн эрхтэнд үрэвсэл үүсгэдэг. Хамгийн түгээмэл вирусын халдвар бол Herpes Simplex вирус бөгөөд үтрээ болон гадна бэлэг эрхтэнд цэврүү, тууралт, шарх, улайлт үүсгэдэг. - Бусад хүчин зүйлс
Үтрээний үрэвсэл нь бэлгийн замын бусад халдварт өвчнүүд, стресс, эрүүл мэндийн асуудлууд, хоол хүнсний буруу хэрэглээ, бэлэг эрхтнийг буруу угаах, төрөл бүрийн бодисоор угаах, химийн бүтээгдэхүүнтэй харьцах зэргээс ч үүсэж болно.
Үтрээний үрэвслийн шинж тэмдгүүд
Үтрээний үрэвсэл нь эмэгтэйчүүдийн эрүүл мэндэд сөргөөр нөлөөлөх олон төрлийн шинж тэмдгээр илэрдэг. Эдгээр шинж тэмдгүүд нь тухайн хүний биологийн онцлог, үрэвсэл үүсгэгч шалтгаанаас хамаарч өөр өөр байдаг.
- Үтрээний өвдөлт
Үтрээний үрэвсэл нь мөн бэлгийн харьцааны үеийн өвдөлт, таагүй мэдрэмж үүсгэх нөхцөл болдог. Зарим эмэгтэйчүүдэд үтрээний амсарт өвдөлт үүсэж, бэлгийн харьцаанд орох, бие засах зэрэг үед зовиур хүндрэл үүсгэж болдог. - Шингэний ялгаралт
Үтрээний үрэвсэл нь их хэмжээний муухай үнэртэй, өтгөн, цагаан, эсвэл шаргал, ногоон гэх мэт өнгийн ялгадас үүсгэх бөгөөд энэ нь ямар үүсгэгчээр үүссэн үрэвсэл вэ гэдгээс шалтгаална. Тухайлбал мөөгөнцөр, бактер, вирусууд. - Улайлт
Үтрээний амсар болон дотор хана хэсэгт улайх шинж тэмдэг илрэх нь үрэвслийн илэрхийлэл байж болно. - Бие арзайх болон халуурах
Зарим халдварын улмаас зарим эмэгтэйд халуурах, биеийн хэм өндөрсөх шинж тэмдгүүд илэрч болдог.
Үтрээний үрэвслийг эмчлэх арга
Үтрээний үрэвсэл нь эмэгтэйчүүдийн бэлэг эрхтнүүдэд тохиолддог нийтлэг асуудал бөгөөд энэ нь зөвхөн эмчийн зааварчилгаа, мэргэжлийн тусламжтайгаар үр дүнтэй эмчлэгдэх боломжтой.
Эмчилгээний явц нь үрэвслийн шалтгаанаас хамаарч өөрчлөгддөг ч хамгийн чухал зүйл бол мэргэжлийн эмчид хандах явдал юм. Эмчийн зөвлөгөө, оношилгоо, эмчилгээ нь та болон таны эрүүл мэндэд хамгийн аюулгүй, үр дүнтэй арга юм.
Эмчийн зөвлөмжийн дагуу тохирсон эмчилгээ, эмийн хэрэглээ нь хамгийн сайн үр дүнг авчрах болно. Хэрэв үтрээний үрэвсэл илэрсэн бол эмчид хандаж, шинжилгээ хийлгэж, зөв оношлогоо авах нь таны эрүүл мэндэд хамгийн чухал алхам юм.
Үтрээний үрэвсэлээс урьдчилан сэргийлэх
Үтрээний үрэвслийг урьдчилан сэргийлэхийн тулд зарим энгийн арга хэмжээг авах нь чухал:
- Ариун цэвэр – Үтрээний орчинг хэвийн байлгаж, ариун цэврийг сахих нь халдварын эрсдлээс хамгаалж, үрэвсэл үүсэх эрсдлийг багасгадаг.
- Бэлгийн эрүүл мэндийн хяналт – Бэлгийн замын халдвараас сэргийлэхийн тулд бэлгийн харьцаанд хамгаалалт буюу бэлгэвч хэрэглэх нь чухал.
- Эрүүл хооллолт, амьдралын хэв маяг – Тэжээлтэй хоол хүнс хэрэглэх, стрессийг бууруулах зэрэг нь таны биеийн хамгаалах системийг дэмжиж, халдвараас урьдчилан сэргийлэхэд тусалдаг.
Зөвлөмж
Үтрээний үрэвсэл нь эмэгтэйчүүдийн эрүүл мэндэд түгээмэл тохиолддог асуудал хэдий ч зөвхөн зөв оношилж, зөв эмчилгээ хийсэн тохиолдолд эмчилж болох бөгөөд эмчийн зөвлөгөөг даган, зохих арга хэмжээг авах нь үр дүнтэй байдаг. Үтрээний үрэвслийн шинж тэмдэг илэрсэн бол мэргэжлийн эмчид хандаж, хамгийн тохирох эмчилгээг цаг алдалгүй авах нь таны эрүүл мэндэд чухал ач холбогдолтой.
Шээс Задгайрах Шалтгаан, Шинж Тэмдгүүд, Эмчилгээ
Эмэгтэйчүүдийн PCR Шинжилгээ
Жирэмснээс хамгаалах Спираль
ЦЭВЭРШИЛТ: Цэвэршиж байгаагаа хэрхэн мэдэх вэ?
Хамгийн Сайн Эмэгтэйчүүдийн Эмнэлэг сонгох шалтгаан
